Thursday, May 30, 2024
spot_img
Homeखेलखुदजीतपुरसिमरा गोल्डकप : मच्छिन्द्र उपाधि नजिक

जीतपुरसिमरा गोल्डकप : मच्छिन्द्र उपाधि नजिक

मच्छिन्द्रले अब उपाधिका लागि शनिबार एपिएफ र पुलिसबीच हुने विभागीय डर्बीको विजेतासंग खेल्नेछ।

मच्छिन्द्र फुटबल क्लब जगदम्बा स्टिल १४औं जीतपुरसिमरा गोल्डकपको फाइनलमा प्रवेश गरेको छ। शुक्रबार राती सिमरा रङ्गशालामा भएको पहिलो सेमीफाइनलमा सिराहाको सलहेश युवा क्लबलाई २–० ले पन्छाउँदै मच्छिन्द्रले उपाधि भिडन्त पक्का गरेको हो।

मच्छिन्द्रले अब उपाधिका लागि शनिबार एपिएफ र पुलिसबीच हुने विभागीय डर्बीको विजेतासंग खेल्नेछ।मच्छिन्द्रको जितमा विमल घर्ती मगर र देबेन्द्र तामाङले एक–एक गोल गरे। मच्छिन्द्रले दुबै गोल खेलको पहिलो हाफमै गरेको थियो। खेलको ३०औं मिनेटमा बिमल घर्ती मगरको गोलमार्फत मच्छिन्द्रले अग्रता बनाएको थियो। पेनाल्टी बक्स बाहिरबाट छिरिङ गुरुङले दिएको पासलाई बिमलले सिराहाको बक्सभित्र नियन्त्रणमा लिंदै शानदार गोल गरेका थिए।

पहिलो हाफको इन्जुरी समयमा देबेन्द्र तामाङले गोल गर्दै मच्छिन्द्रको अग्रता दोब्बर पारे। अभिषेक गुरुङको कर्नर बलमा देबेन्द्रले हेडिङमार्फत गोल गरेका थिए।

राष्ट्रिय टिमका अनुभवी खेलाडीसहित मैदान उत्रिएको मच्छिन्द्रसामु सिराहाका खेलाडी दबाबमा देखिन्थे। पहिलो हाफमा मच्छिन्द्रविरुद्ध आक्रामक खेल खेलेपनि मच्छिन्द्रको अग्रतापछि सिराहाका खेलाडी लयमा देखिएनन्। विमल घर्तीमगर, मनिष डाँगीजस्ता खेलाडीसहित सिमरा रङ्गशालामा उत्रिएको मच्छिन्द्र उच्च मनोबलमा देखिन्थ्यो।

पहिलो हाफमै फराकिलो अग्रता बनाएको मच्छिन्द्रले दोश्रो हाफ पूर्ण नियन्त्रणमा राखेको थियो। सिराहाले दोश्रो हाफमा आकर्षक अवसर बनाउन सकेन। जीतपुरसिमरा गोल्डकपमा पहिलोपटक सहभागी भएको सलहेश प्रतियोगिताबाट बाहिरिंदा मच्छिन्द्र पहिलोपटक फाइनल पुगेको हो।

खेलको म्यान अफ दि म्याच मच्छिन्द्रका विमल घर्तीमगर घोषित भए। उनले शुभारम्भ कलेज म्यान अफ दि म्याचको ट्रफिसहित १० हजार प्राप्त गरे। उनलाई जीतपुरसिमरा उपमहानगरपालिकाका उपप्रमुख भोलाप्रसाद अधिकारी र शुभारम्भ कलेजका निर्देशक डा. राहुल झाले पुरस्कार प्रदान गरेका थिए।

प्रतियोगिताअन्तर्गत शनिबार दुई विभागीय टिम नेपाल पुलिस क्लब र एपिएफ फुटबल क्लबबीच फाइनल प्रवेशका लागि प्रतिस्पर्धा हुनेछ।

RELATED ARTICLES

Leave a Reply

- Advertisment -spot_img

Most Popular

Recent Comments

%d bloggers like this: